Бизнес Зөвлөлийн PLATINUM гишүүн KGI Group Inc группийн хамт олонд гишүүний батламж гардуулан өглөө.
Б. Төгсбаяр - Захирал, CEO
Д. Солонго - Аюулгүй ажиллагаа хариуцсан менежер
Д. Мөнхгэрэл - Үйл ажиллагаа хариуцсан менежер
Б. Цэрэнлхам, Б. Хонгорзул - Маркетинг менежер
Н. Уламбаяр - Ахлах Ня-бо
Б. Цэцэгмаа - Ня-бо
KGI групп нь олон owner operator-уудыг нэгтгэсэн групп юм. Группын ерөнхийлөгч Б.Төгсбаяр нь АНУ-ын зам тээврийн салбарт анхан шатнаас нь эхлэн бүх л шатны ажлуудыг хийж ирсээр групп компани болох хүртэл хөдөлмөрлөж, тухайн салбартаа мэдлэг туршлага, чадвараараа тэргүүлэх компанийг хөгжүүлсээр байна. KGI Group нь Өдрөөс өдөрт өргөжин тэлсээр одоо 30 гаруй компанийн гэрээгээр ажиллуулан, Чикаго хот орчимд бизнесээ өргөжүүлэн 9 дэх жилтэйгээ золгож байна. KGI групп хөргүүртэй тээвэрлэлтээр мэргэшсэн бөгөөд 20 саяас дээш миль хурдны замыг туулан 20 мянгаас дээш тээвэрлэлтийг 98 хувь цагт хүргэж, 93 хувиар бизнес харилцагчид болон үйлчлүүлэгчидтэйгээ хамтран ажиллаж байгаа амжилт нь компанийн 95 хувь болох Монгол жолооч нар 100 хувийн нягт уялдаа холбоотой ажилладагт байгаа билээ. Дээрх тоон үзүүлэлтээс гадна KGI груп нь гараас гарт хүргэгдэнэ гэсэн цогц, найдвартай үйлчилгээтэй ба компанийн үнэт зүйлс, зорилгын нэг хэсэг нь Монголчуудынхаа төлөө, Монгол коммюнитигийнхаа төлөө нэгдэн ажиллах явдал юм. KGI груп компани нь олон хүмүүсийг жолоочоос эхлэн хувийн компанитай болоход тусалсаар байгаа нь компанийн үнэт зүйлсийн мөн нэгээхэн хэсэг билээ. KGI группийн түүхэн амжилт бол мэргэжлийн, өндөр хариуцлагатай, хичээнгүй жолооч нарын нөр их зүтгэлийн үр дүн билээ. KGI группийг энэ салбартаа тэргүүлэх амжилтанд хүрч, тасралтгүй хөгжсөөр байгаа нь туршлагатай, хариуцлагатай, аюулгүй байдлаа бүрэн ханган, ажилдаа чин үнэнчээр зүтгэж үйлчлүүлэгчдийнхээ талархалыг хүлээн яваа жолооч нар мөн ажилдаа сэтгэл зүрхээ зориулан ажилладаг охид залуусын маань нягт уялдаатай ажлын үр дүн юм.
Comentarios