Чикагогийн Монголчуудын Бизнес Зөвлөл (Mongolian Business Council of Chicago)-ийн Платинум гишүүнээр Расолын Досболат захиралтай Mon Pride Express компанийн хамт олон нэгдлээ. Та бүхэндээ баяр хүргэе!
Mon Pride Express Inc компани нь 2017 оноос хүнд ачаа тээврийн салбарт үйл ажиллагаагаа амжилттай явуулж буй Монгол компаниудын томоохон төлөөлөл юм.
Mon Pride Express компани нь хамгийн сүүлийн үеийн хөргөлттэй болон хуурай ачаа тээвэрлэх зориулалтын трак, чиргүүл бүхий өөрсдийн 50 гаруй тээврийн хэрэгслээр АНУ-ын 48 мужид хүнд ачаа тээврийн үйлчилгээг цаг хугацаатай уралдан үзүүлж байна.
Тэдний баримталдаг гол зарчим нь үйлчлүүлэгчид, ажилтнууд болон харилцагч байгууллагууддаа үнэлэгдсэн тэднийхээ итгэлийг хүлээсэн байгууллага байх.
Энэхүү салбарын амжилтын үндэс бол аюулгүй ажиллагааг хангах бөгөөд үүнд боловсон хүчний туршлага, ур чадвар, тууштай байдал төдийгүй ажилтны хувийн сахилга бат чухал үүрэгтэй. Нөгөө талд машин техникийн бүрэн бүтэн байдал маш чухал байдаг. Mon Pride Express компани нь өөрийн дотоод засвар үйлчилгээний албатай бөгөөд машин техникийнхээ засвар үйлчилгээг цаг тухайд нь мэргэжлийн өндөр түвшинд гүйцэтгэж аюулгүй ажиллагаагаа бүрэн хангаж ажилладаг байна.
Нийгмийн хариуцлагынхаа хүрээнд Mon Pride Express компани Монгол коммюнитийн дунд соёл урлаг, спортын арга хэмжээг идэвхи санаачилгатай зохион байгуулахад тэргүүлэн оролцдог. Үүнээс дурдвал: - “Mon Pride League" Сагсан бөмбөгийн лиг - "Баярын Мишээл 7" Шинэ жилийн цэнгүүн - Чикаго хотын хүүхдийн харшийн шинэ жил
Mon Pride Express компанийн хамт олонд цаашдын бизнест нь гялалзсан өндөр амжилтыг хүсэн ерөөе!
Comments