Чикагогийн Монголчуудын Бизнес Зөвлөл ууган START UP гишүүнээрээ Ганболдын Ариунтулга захиралтай STITECHS (Superior Technology Integrating Technicians) компанийг бүртгэн авч гишүүний батламж гардуулсан билээ.
STITECHS компани маань 2018 оны 3 сараас Чикаго хотод Мэдээлэл Технологийн чиглэлээр мэргэжлийн үйлчилгээ, зөвлөлгөө өгөхөөр үйл ажиллагаагаа эхлүүлсэн бөгөөд одоогоор Illinois, Michigan, Wisconsin мужууд мөн Чикаго хот орчмын жижиг, дунд бизнес эрхлэгчид, эмнэлэг, мэргэшсэн нягтлан бодогчид болон хуулийн фирмүүдэдтэй амжилттай хамтран ажиллаж байгаа компани юм.
STITECHS компанийн инженер, техникийн ажилтанууд мэргэжлээрээ 10-15 жил ажилласан арвин их туршлаган дээрээ суурилан компьютер засварын бүрэн үйлчилгээ үзүүлэх, сүлжээний дэд бүтцийн загвар гаргаж шийдэл гүйцэтгэх, цахим сүлжээний аюулгүй байдал түүнээс урьдчилан сэргийлэх нөхцөл боломжоор хангах, зөвлөлгөө өгөх, мэдээлэл технологийн гэрээт болон гэрээт бус багцууд гарган ажиллаж байгаа нь хамтран ажиллагч компаниудынхаа талархал сайшаалыг хүлээсээр байна.
STITECHS нь албан ёсны МSP буюу Managed Service Provider, MSSP буюу Managed Security Service Provider эрхтэйгээр үйл ажиллагаа явуулж байгаа IT болон Мэдээлэл технологиор мэргэшсэн Чикагогийн Монголчуудын цөөхөн компаниудын нэг юм. Компани цаашдаа үйл ажиллагаагаа өргөжин тэлэхийн тулд ижил төстэй компаниудтай хамтран ажиллах, Чикагогийн шилдэг бизнес эрхлэгч Монголчуудынхаа туршлага, санал бодлыг тусган авахын сацуу IT, мэдээлэл технологийн өлгий нутаг Америкийн Баруун эргийн компаниудтай холбогдон ажиллах чин хүсэл эрмэлзэлтэйгээр ажиллаж байна. Чикагогийн Бизнес Зөвлөлийн ууган START UP гишүүн Ганболдын Ариунтулга захиралтай STITECHS компанийн хамт олондоо ирээдүйн хүсэл зорилго нь сэтгэлчлэн бүтэж Монголоороо овоглосон Америкийн шилдэг IT, Мэдээлэл технологийн тэргүүлэгч компани болохын өлзий дэмбэрэлтэй ерөөлийг Удирдах Зөвлөлийн гишүүдээс өргөе.
Comments